أغسطس 25, 2011
طريقه عمل المنسف ::
المقادير ::
لحم خاروف
لبن جميد
لبن زبادي علبتين
سمن بلدي اصلي
ارز
شراك
لوز ومكسرات وبقدونس لتزين
الطريقه ::
اول شي بتسلقي اللحم الخاروف لحتى يستوي منيح بعدها بتشيلي من المرقه وبتخلي على جمب هلا بدنا نجهز اللبن بتكوني ناقعه شويه لبن جميد بماء ساخن لحتى يطرا وييذوب شوي وبعدها بتخلطيه بخلاط العصير وبتحطيه فوق مرقه اللحمه وبتجيبي علبتين لبن زبادي الي هو الروب وبتخلطيهن مع معلقه صغيره طحين وبتسكبيهن كلهن على مرقه اللحمه وبتضلي اتحركي فيهن بخفاقه السلك اليدوي تحريك دون انقطاع لحتى يغلو مشان ما يفرط اللبن معك وهيك واخر شي بتضيفيلهن معلقعتين سمن عربي
( وصع معلقه الطحين تمنع اللبن من الفرط وبيطلع كتير طيب )
طريقه عمل الارز "
بتكوني ناقعه الارز
في الطنجره بتحط يشويه سمن بلدي وشويه زيت نباتي وبتسكبي الارز عليه مع الملح والعصفر لحتى يعطي اللون الاصفر
وبتضيفله ماء لحتى ينغمر يعني نفس طريقه الارز العادي وبتتركيه لحتى يستوي
طريقه التقديم ::
في طبق التقديم بتكوني حاطه الشراك وبتشربيه بقليل من اللبن الي عملتيه وبتسكبي فوقه الارز واللحم فوقه وطبعا بتزين بالمكسرات والبقدونس
فيكي تشربيه باللبن كمان
صحه وعافيه
تم نشره في: اكلات ستات البيوت
المشاركات
0 التعليقات:
إرسال تعليق