كعك العيد طريقة عمل كحك العيد من مطبخ الاميرة

اهلا وسهلا زوارنا واعضائنا الكرام

اهلا بيكم في مطبخ الأميرة

تمر الأيام سريعة وسيأتي شهر رمضان

وبعده العيد أعاده الله عليكم باليمن والخير والبركات

ومافي عيد الا بكعك العيد

فيه ناس تكتبها كعك .... وفيه ناس تكتبها كحك

وحقيقي لا اعرف الفرق

لسنا في حصة لغويات ندخل على المطبخ افضل


المقادير

((وخلوا بالكم المقادير دي مظبوطة اوي
يعنيالكعك ناعم ومش ناعم متماسك يعني
بصراحة الناعم اوي اوي دة مش بحبه
واللي عاوزة تنعمه اوي تزود بس في السمن زي ما حوضح تحت ))

2كيلو ونصف دقيق
1 كيلو سمن بلدي ( او زبد )+ نصف كوب سمن ( يعني كيلو و1 كوب)
عاوزاه ناعم اوي ضيفي كمان نصف كوب سمن بس على الكيلو+ 1 كوب ( يعني يكون مقدار السمن كيلو +1/2 1 كوب)
خميرة دقيق
2 ملعقة صغيرة ريحةكعك
فنجان صغير سمسم
لبن للعجن
ذرة ملح
ملبن ومكسرات للحشو

الطريقة

نحضر اناء ونضع فيه السمن على النار
نتركه يسخن جدااااا بلغة مصر( نقدح السمن)

نجهز الدقيق في اناء عميق
نضع عليه السمسم وريحةالكعك
وذرة الملح
ثم بحذر نضيف السمن المقدوح
ونقلب بملعقة خشبية برفق
لحين يبرد قليلا
ثم نشتغل بيدينا
ونظل نخلط فيه مدة نصف ساعة حتى يختفي السمن
ويكون لون الدقيق اصفر
كلما قلبتيه في المرحلة دي كويس يطلع اجمل
ثم نضيف الخميرة واللبن الدافئ نوعا
ونعجن جيدا نضيف اللبن بالتدريج
حتى تصبح عجينة لينة ومتماسكة ونقدر نشكلها بسهولة

اتركيها ترتاح نصف ساعة
ثم نبدا في تشكيلها دوائر صغيرة
ونضع بداخلها الحشو الملبن والمكسرات
نرصها في صينية الفرن

ونتركها تخمر 3 ساعات تقريبا


ثم نخبزها فيفرن متوسط درجة الحرارة


نتركها تبرد بعد خروجها من الفرن



ونرش عليها السكر الناعم

وبالهنا والشفا


صفحة مطبخي على الفيس بوك


http://www.facebook.com/amira.kitchen


مدونة الطبخ الخاصة بي واكلات من صنع يدي
http://amira-kitchen.blogspot.com/


تنوروني يا قمرات في مطبخي الخاص

تم نشره في: أكلات مطبخ الأميرة