أكتوبر 17, 2011
طاجن تورلي
الجديد في الطاجن انه من غير لحم لكنه بشوربة فراخ عشان كنت عاملة معاه فراخ مش لحم
يعني سلقت الفراخ واخدت شوربتها سويت بيها التورلي وكان طعمه يجنن احلى من اللحم كمان
( لم استعمل اي نوع سمن اكتفيت بالشوربة فقط يعني وجبة صحية وخفيفة )
المقادير
كل انواع الخضار
( كوسة + بطاطس+ جزر+ بسلة + فاصوليا + قرنبيط + فلفة خضراء + كرفس )
شوربة دجاج
عصير طماطم
بصلة كبيرة مقطعة شرائح
فصين ثوم
ملح + فلفل + بهارات+ ورق لوري + قرفة
الطريقة
نغسل الخضراوات ونقطعها كلها قطع صغيرة
نحضر اناء ونضع فيه الخضراوات كلها وعليها التوابل ونقلبها في بعض كويس
نحضر الطاجن ونضع فيه الخضار وعليه عصير الطماطم والشوربة ونغطيه بورق الومنيوم وندخله الفرن
ونتابعه لو احتاج شوربة نزوده
تقريبا يقعد ساعة ونصف في الفرن وقبل ما تطلعيه شيلي ورق الالومنيوم عشان وجهه يحمر شوية
وقدميه مع ارز ابيض
وبالهنا والشفا
تم نشره في: أكلات مطبخ الأميرة
المشاركات
0 التعليقات:
إرسال تعليق